საქართველოს ეროვნულ ბოტანიკურ ბაღში 10 და 11 დეკემბერს შოკოლადის საახალწლო ფესტივალი გაიმართა.

ღონისძიებაზე წარმოდგენილი იყო საქართველოში წარმოებული ხელნაკეთი შოკოლადების მრავალფეროვნება, საახალწლო ხელნაკეთი ნივთები და თემატური დეკორაციები

ფესტივალი ბასტი-ბუბუს კონცერტით და მაკნატუნას ფორმებში გამოწყობილი დრამერების შოუთი გაიხსნა, დამთვალიერებლებს მთელი დღის განმავლობაში სანტა, სპეციალურად მოწყობილი საახალწლო ფოტოდეკორაცია და ბევრი გათამაშება დახვდათ. დამთვალიერებლებმა ფესტივალის გახსნაზე ‘’ქუჩის თეატრის’’ წარმოდგენასაც იხილეს

ფესტივალზე მასტერ შეფის ფინალისტი, კონდიტერი ნიკუშა მანაგაძის შოკოლადიანი ჩურჩხელებისა და საახალწლო თათარას მასტერკლასი მოეწყო

ფესტივალის ფარგლებში ბავშვებისთვის ბოტანიკური ბაღის ეკოსაგანმანათლებლო საახალწლო აქტივობები ჩატარდა.

ეროვნულ ბოტანიკურ ბაღში შოკოლადის ფესტივალი უკვე მეოთხეთ გაიმართა. მონაწილეობა თხუთმეტამდე შოკოლადის კომპანიამ მიიღო, მათ შორის იყვნენ დამწყები სტარტაპერები და ყველასათვის კარგად ნაცნობი შოკოლადის მწარმოებელი კომპანიები.