ბოტანიკური ბაღის სპეციალისტების მიერ მცენარეთა აღწერა-შეფასების საქტსპერტო მომსახურების ტარიფები

ბოტანიკური ბაღის მიერ მწვანე ნარგავების ხარისხობრივი შეფასების საექსპერტო მომსახურების საფასურის განაკვეთები განისაზღვროს შემდეგნაირად:

ა) მერქნიანი მცენარის (ბუჩქის/ჯგუფის/ხვიარას) სახეობის დადგენა, ზოგადი მდგომარეობის შეფასება, ფოტოფიქსაცია, ნუმერაცია ერთი ეგზემპლარის შემთხვევაში 50 ლარი, ორი და მეტი ეგზემპლარის შემთხვევაში თითოეულის - 20 (ოცი) ლარი;

ბ) მწვანე ბორდიურის ერთი გრძივი მეტრის სახეობის დადგენა, ზოგადი მდგომარეობის შეფასება, ფოტოფიქსაცია, ნუმერაცია - 10 (ათი) ლარი;

გ) მერქნიანი მცენარის (ხის) სახეობის, დიამეტრის, სიმაღლის დადგენა, ზოგადი მდგომარეობის შეფასება, ფოტოფიქსაცია, ნუმერაცია ერთი ხის შემთხვევაში 100 (ასი) ლარი, ორი და მეტი ხის შემთხვევაში თითოეულის - 50 (ორმოცდაათი) ლარი;

დ) ერთი მერქნიანი მცენარის (ხის) სავარაუდო ასაკის დადგენა - 30 (ოცდაათი) ლარი;

ე) ერთ მერქნიან მცენარეზე მავნებელდაავადებების დადგენა ექსპრეს მეთოდით - 50 (ორმოცდაათი) ლარი;

ვ) ერთი მერქნიანი მცენარის მავნებელდაავადებების საწინააღმდეგო ღონისძიებების თაობაზე რეკომენდაციების მომზადება - 40 (ორმოცი) ლარი;

ზ) ერთი მერქნიანი მცენარის იმპულსური ტომოგრაფია (ღეროს გარშემოწერილობა არანაკლებ 25 სმ) – 300 (სამასი) ლარი;

თ) ერთი ნიმუშის ლაბორატორიული ენტომოლოგიური კვლევა - 50 (ორმოცდაათი) ლარი;

ი) ერთი ნიმუშის ლაბორატორიული მიკრობიოლოგიური (მიკოლოგიური, ბაქტერიოლოგიური) კვლევა - 50 (ორმოცდაათი) ლარი;

კ) ნიადაგის ერთი ნიმუშის ლაბორატორიული მიკრობიოლოგიური (მიკოლოგიური, ბაქტერიოლოგიური) კვლევა - 60 (სამოცი) ლარი;

ლ) ნიადაგის ერთი ნიმუშის ლაბორატორიული ჰელმინთოლოგიური კვლევა - 100 (ასი) ლარი;

მ) ნიადაგის ერთი ნიმუშის ქიმიური კვლევა (ექსპრეს მეთოდით) – 80 (ოთხმოცი) ლარი;

ნ) საექსპერტო ობიექტზე (ერთ საკადასტრო ერთეულზე) არსებული მერქნიანი მცენარეების (ხე, ბუჩქი) საერთო დენდროლოგიური მონაცემების მომზადება - 1 ერთეულ მცენარეზე 5 (ხუთი) ლარი;

ო) საექსპერტო ობიექტზე (ერთ საკადასტრო ერთეულზე) არსებული ახალნარგაობის/სარგავი მასალის სახეობის დადგენა, მათი ზოგადი მდგომარეობის

შეფასება და საერთო დენდროლოგიური მონაცემების მომზადება 1 ერთეულ მცენარეზე - 30 (ოცდაათი) ლარი, ხოლო მცენარის სახეობის განმეორების შემთხვევაში 1 ერთეულ მცენარეზე - 5 (ხუთი) ლარი;

პ) ბოტანიკური ბაღის მიერ სხვადასხვა გამწვანების პროექტებისა და მასთან დაკავშირებული ტექნიკური პირობების/დოკუმენტების დამუშავება-მომზადება, ყოველ კონკრეტულ შემთხვევაში განსახორციელებელი სამუშაოს სირთულისა და დამკვეთის მოთხოვნების გათვალისწინებით - 1 კვ.მ-ზე არანაკლებ 0.5 და არაუმეტეს 5 (ხუთი) ლარი;

ჟ) ბოტანიკური ბაღის მიერ ამ მუხლის პირველი პუნქტის ,,ნ“ ქვეპუნქტით გათვალისწინებული მომსახურების გაწევის შემთხვევაში, მის მიერ მომზადებული და დამუშავებული გამწვანების პროექტის განხორციელებისას, საავტორო ზედამხედველობა, დამკვეთთან შეთანხმებით, განსახორციელებელი სამუშაოს სირთულისა და დამკვეთის მოთხოვნების გათვალისწინებით - 1 კვ. მ-ზე არანაკლებ 0,1 ლარი და არაუმეტეს 2 (ორი) ლარი;

რ) ბოტანიკური ბაღის მიერ გამწვანებული ტერიტორიის და მასზე არსებული მწვანე ნარგავების მდგომარეობის ზოგადი შეფასება, ტერიტორიის ფართობის გათვალისწინებით: რ.ა) 100 კვ.მ-მდე -150 (ას ორმოცდაათი) ლარი; რ.ბ) 100 - დან - 1000 კვ.მ- მდე -250 (ორას ორმოცდაათი) ლარი; რ.გ) 1000- დან - 10000 კვ.მ-მდე - 400 (ოთხასი) ლარი; რ.დ) 1 ჰა ფართობი - 500 (ხუთასი) ლარი;

2. 50 ერთეულ მცენარეზე მეტი ოდენობის შეფასების შემთხვევაში ამ მუხლის პირველი პუნქტის „ა“, „გ“ და „დ“ ქვეპუნქტებით დადგენილი ბოტანიკური ბაღის მიერ გასაწევი ცალკეული საექსპერტო მომსახურებების ღირებულება განისაზღვროს დადგენილი ტარიფის 95%-ით, გარდა ამ მუხლის მე-5 და მე-6 პუნქტებით გათვალისწინებული შემთხვევებისა.

3. 100 ერთეულ მცენარეზე მეტი ოდენობის შეფასების შემთხვევაში ამ მუხლის პირველი პუნქტის „ა“, „გ“ და „დ“ ქვეპუნქტებით დადგენილი ბაღის მიერ გასაწევი ცალკეული საექსპერტო მომსახურებების ღირებულება განისაზღვროს დადგენილი ტარიფის 90%-ის ოდენობით.

4. 500 ერთეულ მცენარეზე მეტი ოდენობის შეფასების შემთხვევაში ამ მუხლის პირველი პუნქტის „ა“, „გ“ და „დ“ პუნქტებით დადგენილი ბაღის მიერ გასაწევი ცალკეული საექსპერტო მომსახურებების ღირებულება განისაზღვროს დადგენილი ტარიფის 85%-ის ოდენობით.

5. ერთი სახეობის 10 ერთეულ მერქნიან მცენარეზე მეტი ოდენობის შეფასების შემთხვევაში, ამ მუხლის პირველი პუნქტის „ე“ და „ვ“ ქვეპუნქტებით გათვალისწინებული მომსახურების ღირებულება განისაზღვროს დადგენილი ტარიფის 80%-ის ოდენობით.

6. ერთი სახეობის 20 ერთეულ მერქნიან მცენარეზე მეტი ოდენობის შეფასების შემთხვევაში, ამ მუხლის პირველი პუნქტის „ე“ და „ვ“ ქვეპუნქტებით გათვალისწინებული მომსახურების ღირებულება განისაზღვროს დადგენილი ტარიფის 70%-ის ოდენობით.

7. ბოტანიკური ბაღის მიერ ერთწლოვანი და მრავლწლოვანი დეკორატიულ-ბალახოვანი მწვანე ნარგავების/ნერგების/ჩითილების ხარისხობრივი შეფასების საექსპერტო მომსახურების ტარიფები განისაზღვროს შემდეგნაირად:

ა) 1 კვ.მ ფართობის ბალახოვანი საფარის, გაზონის და ყვავილნარის ზოგადი მდგომარეობის შეფასება - 0.5 ლარი, არანაკლებ 300 (სამასი) ლარისა;

ბ) 1 კვ.მ ფართობზე ბალახოვან მცენარეთა სახეობის დადგენა და ზოგადი მდგომარეობის შეფასება - 0.5 ლარი, არანაკლებ 300 (სამასი) ლარისა;

გ) ერთი ერთეული ერთწლოვანი მცენარის ერთი სახეობის ჩითილის ფიზიკური მახასიათებლებისა და ტექნიკური მონაცემების დადგენა 3000 ერთეულამდე - 0.15 ლარი, არანაკლებ 450 (ოთხას ორმოცდაათი) ლარისა;

დ) ერთი ერთეული ერთწლოვანი მცენარის ერთი სახეობის ჩითილის ფიზიკური მახასიათებლებისა და ტექნიკური მონაცემების დადგენა 3000-დან 10000-მდე ერთეულის შემთხვევაში - 0.10 ლარი, არანაკლებ 500 (ხუთასი) ლარისა;

ე) ერთი ერთეული ერთწლოვანი მცენარის ერთი სახეობის ჩითილის ფიზიკური მახასიათებლებისა და ტექნიკური მონაცემების დადგენა (10 000 ერთეულზე მეტი) - 0.05 ლარი, არანაკლებ 1000 (ათასი) ლარისა;

8. ერთი სახეობის 500 ერთეულ მერქნიანი მცენარის ნერგზე მეტი ოდენობის შეფასების შემთხვევაში, ამ მუხლის პირველი პუნქტის ,,ო“ ქვეპუნქტით გათვალისწინებული მომსახურების ღირებულება განისაზღვროს დადგენილი ტარიფის 95%-ის ოდენობით.

9. ერთი სახეობის 1000 ერთეულ მერქნიანი მცენარის ნერგზე მეტი ოდენობის შეფასების შემთხვევაში, ამ მუხლის პირველი პუნქტის ,,ო“ ქვეპუნქტით გათვალიწინებული მომსახურების ღირებულება განისაზღვროს დადგენილი ტარიფის 90%-ის ოდენობით.

10. ამ მუხლის პირველი პუნქტის ,,ო“ ქვეპუნქტით გათვალისწინებული ერთი სახეობის მცენარის ნერგის მავნებელ დაავადებებზე შემოწმების საფასური განისაზღვროს საერთო ღირებულების 95% -ის ოდენობით.

11. ამ მუხლის პირველი პუნქტის ,,ო“ ქვეპუნქტით გათვალისწინებული 500 ერთეულზე მეტი ერთი სახეობის მცენარის ნერგის მავნებელდაავადებებზე შემოწმების საფასური განისაზღვროს საერთო ღირებულების 90% -ის ოდენობით.

12. ამ მუხლის პირველი პუნქტის ,,ო“ ქვეპუნქტით გათავლისწინებული 1000 ერთეულზე მეტი ერთი სახეობის მცენარის ნერგის მავნებელდაავადებებზე შემოწმების საფასური განისაზღვროს საერთო ღირებულების 85% -ის ოდენობით.

13. საექსპერტო მომსახურეობის განხორციელებასთან დაკავშირებული ყველა ხარჯი სრულად ანაზღაურდება დამკვეთის მიერ.

მცენარეთა აღწერა-შეფასების მომსახურების ტარიფები იცვლება რაოდენობის მიხედვით.